23:49 22 РУХÆНЫ МÆЙ 2019
Комкоммӕ эфир
  • EUR70.60
  • USD63.85
Лаборатория

Хуссар Ир тæрсы Гуырдзыйы биологон хæцæнгарзæй – президент

© Air Force Times
Хуссар Ирыстоны
Чысыл дӕнцӕг
13 0 0

Президент тæссагдзинад равдыста Хуссар Ирыстоны арæнмæ хæстæг Гуырдзыстоны биолабораторийы куысты тыххæй, уый зæрдыл æрлæууын кодта хуыйы гриппы апарахат зымæджы æмæ ног зианхæссæг цæрæгойты фæзынд

ЦХИНВАЛ, 19 июн - Sputnik. Хуссар Ирыстон сиды Лугарайы лабораторийы мониторинг ауадзынмæ, фехъусын кодта президент Бибылты Анатолий сирийаг ДИФ-æн интервьюйы.

Журналистты къорд Ӕввахс скæсæнæй (фылдæр бæрцæй сириæгтæ) ацы къуыри уыд Хуссар Ирыстоны. Ӕндæр хъуыддæгты æмрæнхъ журналисттæ фембæлдысты президентимæ. Интервьюйы текст мыхуыр æрцыд паддзахады сæргълæууæджы сайтыл.

2011 азы америкæйæгты арæзт лабораторийы тыххæй дзургæйæ, президент загъта, цы тас хæссы, уый тыххæй.

"Зымæджы нæм уыд гриппы эпидеми, уый райдыдта Гуырдзыстонæй. Хуыцауы фæрцы, мах афоныл сæхгæдтам арæн æмæ ныл уадиссаг нæ бандæвта. Фæлæ Гуырдзыстоны низæй мард адæм. Кæд ацы лабораторийы тæссагæй ницы ис, уæд дзы уæрæсейаг специалистты цæмæннæ уадзынц? Цыдæр дзы нывыл нæу, фæзыны æнахуыр низтæ. Абхазы апарахат ис хъулон хъæндил, фæзынд дзы Хуссар Иры дæр", - загъта президент.

Интервью президента Анатолия Бибилова сирийским СМИ
© Пресс-служба президента РЮО.
Президент Бибылты Анатолий радта интервью сирийаг журналисттæн

Уый ма банысан кодта, Хуссар Ирыстон кæй домы ацы лабораторийы мониторинг.

"Кæд мониторинг саразæн ис Сирийы, уæд цæмæннæ ис саразын Гуырдзыстоны? Мах æвисæм тæссагдзинад æмæ сидæм æхсæнадæмон æмæхсæнадмæ æмæ организацитæм, кæцытæ хъуамæ мониторинг кæной химикон æмæ биологон хæцæнгарз", - загъта Бибылты Анатолий.

Уый ма бафтыдта, нырмæ сидæнтæ кæй ницæмæ ʻркодтой, уымæн æмæ "ацы лаборатори хорзæй кæй ницы хæссы нæдæр Гуырдзыстонæн, нæдæр Хуссар Ирæн, уый зæгъыны бæрн йæхимæ ничи исы".

Сӕйраг темӕтӕ