ЦХИНВАЛ, 6 ноя – Sputnik, Гӕбӕраты Элина. Хуссар Ирыстоны электроэнерги нӕ уыдзӕн иу бон ног къуырийы райдайӕны, фехъусын кодтой Sputnik Паддзахадон унитарон куыстуат "Энергоресурс-Хуссар Ирыстоны".
"Къуырисӕры, 9 ноябры, 9.00 сахатӕй 17.00 сахатмӕ республикӕйы нӕ уыдзӕн электроэнерги", - банысан кодтой уагдоны.
Рухс ахицӕн кӕндзысты "Цӕгаттаг портал" дӕлстанцыл цалцӕггӕнӕн куыстытӕ ауадзыны тыххӕй Цӕгат Ирыстоны.
Хуссар Ирыстонмӕ электроэнерги цӕуы Уӕрӕсейӕ 110 КВт электрондыхы хахх "Зӕрӕмӕг-Цӕгаттаг портал-Дзау"-ыл.
