Хуссарирыстойнаг милиционер рамбылдта ЦКФЗ чемпионат практикон ӕхстӕй

© Пресс-служба МВД РЮО.Хуссарирыстойнаг МСНК кусӕг, милицийы майор Медойты Давид
Хуссарирыстойнаг МСНК кусӕг, милицийы майор Медойты Давид - Sputnik Хуссар Ирыстон
Рафыссын
Цӕгат-Кавказаг федералон зылды гом чемпионат дамбацайӕ практикон ӕхстӕй ацыд Цӕгат Ирыстоны ахуырадон-тренировкӕгӕнӕн центр "Тактика-А"-йы

ЦХИНВАЛ, 12 ноя — Sputnik. Хуссарирыстойнаг МСНК кусӕг, милицийы майор Медойты Давид бацахста фыццаг бынат Цӕгат-Кавказаг федералон зылды (ЦКФЗ) гом чемпионаты дамбацайӕ практикон ӕхстӕй. Уый тыххӕй хъусын кӕны республикӕйы МХМ.

ЦКФЗ гом чемпионат дамбацайӕ практикон ӕхстӕй ацыд Цӕгат Ирыстоны ахуырадон-тренировкӕгӕнӕн центр "Тактика-А"-йы базӕйыл.

Ӕхсӕнрегионалон ерысты хайад райстой 60 ӕхсӕджы онг – Уӕрӕсейы кӕцыдӕр регионты тыхон структурӕты, хъахъхъӕнынадон уагдӕтты кусджытӕ ӕмӕ спортсментӕ.

"Мадзалы хайадисджытӕ хъуамӕ сӕххӕст кодтаиккой ӕхсӕз хӕслӕвӕрды, се хсӕн дамбацайӕ ӕхсын алыгъуызон уавӕрты ӕмӕ алыгъуызон милтӕм. Ӕхсджытӕ ерыс кодтой тагъддзинадӕй, рӕстдзӕвинады ӕмӕ динамикӕйы. Медойты Давид йӕ ныхмӕлӕуджыты разӕй фӕцис алы бӕрӕггӕнӕнтӕм гӕсгӕ дӕр ӕмӕ бацахста фыццаг бынат", - банысан кодтой пресс-службӕйы.

Уагдоны ма бафтыдтой, чемпионаты уӕлахиздзауы кӕй схорзӕхджын кодтой грамотӕ ӕмӕ майданӕй.

Ног хабӕртты лентӕ
0