ЦХИНВАЛ, 7 фев — Sputnik. Шеф-повар Уалыты Георгий бацахста ӕртыккаг бынат федералон гастрономон конкурсы, хъусын кӕны Ossetia News.
Конкурсанттӕ хыгъдмӕ райстой рекомендацигонд продукттӕ ӕмӕ сарӕзтой оригиналон рецепттӕ.
53 специалистӕй финалмӕ ахызтысты 6 шеф-повары. Финалы уыдон равдыстой дыууӕ хъарм хӕринаджы, афтӕ ма уазал ӕмӕ вегетерианаг аходӕнтӕ.
Фӕстиуӕгӕн аргъ кодта профессионалон жюри "Аэромар" бортон хӕлцады кусджытӕй.
Иууыл фылдӕр баллтӕ систа Артем Лосев (Мӕскуы). Дыккаг бынат бацахста Усон Эргешов (Мӕскуы), ӕртыккаг та Уалыты Георгий (Сочи).
Призерты хӕринӕгтӕ бахыздзысты "Аэрофлот"-ы бизнес-классы менюмӕ ӕртӕ мӕймӕ.