ЦХИНВАЛ, 26 апр – Sputnik. Хуссар Ирыстоны фидӕн арӕзт цӕуы сӕудӕджерад ӕмӕ транспорты кусджыты руаджы, дзырдӕуы президент Бибылты Анатолийы арфӕйы телы.
Хуссар Ирыстоны майрӕмбоны нысан кӕнынц Сӕудӕджерад ӕмӕ транспорты кусджыты бон. Бӕрӕгбон нысан ӕрцыд республикӕйы президенты барамындӕй 1998 азы.
"Сӕудӕджерады куыстуатты профессионализмимӕ баст у базарад, арӕзтад, хъӕууон хӕдзарад ӕмӕ энергетикӕйы райрӕзт. Уӕ куысты фӕрцы арӕзт цӕуы Республикӕ Хуссар Ирыстоны фидӕн, фидар кӕны бӕстӕйы экономикон потенциал", - дзырдӕуы арфӕйы телы.
Бибылты Анатолий фидарӕй загъта, фӕлтӕрддзинад ӕмӕ зонындзинӕдты руаджы сӕудӕджерад ӕмӕ транспорты кусджытӕ дарддӕр хӕссдзысты сӕ хайбавӕрд Хуссар Ирыстоны райрӕзтмӕ.