ЦХИНВАЛ, 18 фев – Sputnik, Хъуылымбегты Азæмæт. Хуссарирыстойнаг æвзонг боксертæ хайад райсдзысты горæт Минералон дæтты гом фыццагады.
Ерысты майдантыл стох кæндзысты 25 боксеры - республикæйы боксы алкæцы секциты хъомылгæнинæгтæ дæр, фехъусын кодта Sputnik боксы скъолайы тренер Куымæридтаты Родион.
"Ерыстæм ацæудзысты боксертæ Цхинвал, Дменис æмæ Дзауы поселокæй. Спортсментæ сæ тыхтæ равдисдзысты æртæ уæзы категориты", - радзырдта тренер.
Уый ма банысан кодта, цхинвайлаг спортсментæ фарон дæр кæй архайдтой ацы ерысты.
Чысыл боксерты аннæ къорд та ралæудзæн Донецкы æхсæнадæмон турниры, кæцы райдайдзæн 19 февралы.