ЦХИНВАЛ, 23 мар - Sputnik, Плиты Фатимӕ. Хуссар Ирыстоны паддзахадон драмон театры труппӕ XXIV ӕхсӕнадӕмон фестиваль "Встречи в России"-йы равдисдзӕн Роман Габриайы ӕвӕрд спектакль "Къоста", фехъусын кодта Sputnik театры аивадон къухдариуӕггӕнӕг Дзудцаты Тамерлан.
"Фестивальмӕ нӕ ӕрхуыдта уӕрӕсейӕг бюджетон культурон уагдон "Балтийский дом". Нӕ труппӕйы ралӕуд нысангонд у 9-ӕм апрельмӕ. Мах равдисдзыстӕм литературон-музыкалон спектакль "Къоста", - загъта Дзудцаты Тамерлан.
XXIV ӕхсӕнадӕмон фестиваль "Встречи в России"-йы архайынц Хӕдбар паддзахадты цӕдис ӕмӕ Балтийы бӕстӕты театртӕ. Мадзал цӕудзӕн Санкт-Петербурджы 4-10 апрелы.
Хуссар Иры паддзахадон драмон театры музыкалон-литературон композици "Къоста" ӕвӕрд у уæрæсейаг режиссеры цæстæнгасæй. Ирыстоны иууыл зындгонддæр гоймаг ӕвдыст цӕуы низæфхæрд, фæлæ æнæсастӕй - Къоста йæ адæмы бартыл тохгæнæг æмæ Къоста уарзондзинады амынæты.