ЦХИНВАЛ, 9 июн — Sputnik, Плиты Фатимӕ. Хуссар Ирыстоны Хетӕгкаты Къостайы номыл паддзахадон драмон театр бавдисдзӕн дыууӕ спектаклы фӕсарӕйнаг уырыссаг театры фестивалы Тамбовы, фехъусын кодта Sputnik ПДТ-йы аивадон къухдариуӕггӕнӕг Дзудцаты Тамерлан.
"Не сфӕлдыстадон къорд бавдисдзӕн дыууӕ спектаклы - "Дон Жуан" ӕмӕ "Самоубийца". Дыккаг спектаклӕн фестивалы фӕлгӕтты ацӕудзӕн йӕ премьерон равдыст. Фӕстӕдӕр ӕй фендзӕн бынӕттон кӕсӕг дӕр", - загъта уый.
Хуссар Ирыстоны паддзахадон театры равдысттӕ нысан сты 21 ӕмӕ 22 июньмӕ.
Мадзалы организатортӕ куыд хъусын кӕнынц афтӕмӕй ӕнхъӕлмӕ кӕсынц Абхаз, Сомих, Таджикистан, Казахстан, Узбекистан ӕмӕ ӕндӕр бӕстӕты театртӕм.
Фестиваль цӕуы Уӕрӕсейы культурӕйы министрады ӕххуысӕй, аразы йӕ фонд "Стремление".