ЦХИНВАЛ, 26 июл – Sputnik. УФ Брянскы областы губернатор Александр Богомаз фехъусын кодта, уадзæн пункт "Троебортное" кæй фехстой Украинæйы рдыгæй. Йæ ныхæстæм гæсгæ, квадрокоптерæй таможнæйы постыл æрыппæрстой рæмудзæн æрмæг.
"Æхсты фæстиуæгæн цыппар адæймаджы райстой цæфтæ, уыдонæн медицинон æххуыс кæнынц. Бынаты кусынц оперативон службæтæ", - ныффыста уый йæ Telegram-каналы.
Украинæйаг æфсæдтæ арæх фехсынц уæрæсейаг арæнгæрон территоритæ. Брянскы, Курскы, Белгороды областты æмæ Хъырымы архайы террористон тæссагдзинады бур æмвæзад.