Гаглойты Алан Зонындзинӕдты бон бауазӕг, кӕм ахуыр кодта, уыцы скъоламӕ

Sputnik
ЦХИНВАЛ, 5 сен – Sputnik, Плиты Фатимӕ. Хуссар Ирыстоны президент Гаглойты Алан Зонындзинӕдты бон бабӕрӕг кодта цытджын линейкӕ горӕт Цхинвалы 12-ӕм астӕуккаг скъолайы, цы ран ахуыр кодта йӕхӕдӕг дӕр.
"Абон мӕ фарсмӕ лӕууынц мӕ ахуыргӕнджытӕ. Бузныг се 'ппӕтӕн дӕр, кӕй схъомыл кодтой фӕсивӕды аккаг фӕлтӕртӕ. Мӕ зӕрдӕ уын зӕгъы сабыр арвы бын цӕрын, цӕмӕй уӕ ныййарджыты зӕрдӕтӕ рухс кӕнат ӕрмӕст уӕ хорз ахуырӕй. Уӕ фидӕн та уа, уӕ ныййарджытӕ куыд уыдтой сӕ фынты, афтӕ", - загъта президент ахуырдзаутӕн.
Бӕрӕгбон рауад тынг хъӕлдзӕг, алырдыгӕй хъуыст музыкӕ, худт ӕмӕ ӕрттывтой дидинджыты губаккытӕ. Уазджыты нымӕцы та уыдысты Италийы минӕвӕрттӕ ӕмӕ скъолайы номдзыд рауагъдонтӕ.
Зонындзинӕдты бон Цхинвалы
"Бузныг зӕгъын чысыл сабиты ныййарджытӕн, кӕцытӕ баууӕндыдысты ӕмӕ ӕрбакодтой сӕ зӕнӕг махмӕ", - загъта скъолайы директор Ӕрсойты Геннадий.
Ӕдӕппӕтӕй 12-ӕм скъолайы фыццагкъласонты нымӕц у 51, уыдон дих ӕрцыдысты дыууӕ къласыл. Ногдзаутӕ бацӕттӕ кодтой ӕмдзӕвгӕтӕ дӕр.
1 / 4

Зонындзинӕдты бон Хуссар Иры

2 / 4

Зонындзинӕдты бон Хуссар Иры

3 / 4

Зонындзинӕдты бон Хуссар Иры

4 / 4

Зонындзинӕдты бон Хуссар Иры

Хуссар Ирыстоны фӕндзӕм сентябры нысан кӕнынц Зонындзинӕдты бон. Сӕ дуӕрттӕ ӕгас республикӕйы бакодта 56 скъолайы, ХИПУ ӕмӕ цалдӕр ахуыргӕнӕндоны.
"Уӕ хӕс - ахуыр ӕмӕ ахуыр": ХИПУ банысан кодта Зонындзинӕдты бон