ЦХИНВАЛ, 15 сен - Sputnik, Козаты Диана. Хуссар Ирыстоны президент Гаглойты Алан бахӕс кодта цыбыр ӕмгъуыдмӕ баздахын фӕстӕмӕ прокуратурӕмӕ ног басгӕрстмӕ Цхинвалы цӕрӕг Дзабиты Иналы мӕлӕты фӕдыл хъуыддаг.
Цыппӕрӕмы бӕстӕйы сӕргълӕууӕг ауагъта ӕрвылкъуырион ӕмбырд тыхон структурӕты сӕргълӕуджытимӕ.
"Фӕстаг хатт дзурын ацы хъуыддаджы тыххӕй. Куыд гӕнӕн ис, ӕмӕ прокуратурӕйы дыууӕ минӕварӕн - горӕттаг ӕмӕ Уӕлдӕр тӕрхондӕтты - иу уголовон хъуыддаджы фӕдыл уа хицӕн хъуыдытӕ? Кӕнӕ хъуыддаг уыдзӕн прокуратурӕйы, кӕнӕ прокуратурӕйы кусджытӕ афӕндараст уыдзысты сӕ хӕдзӕрттӕм", - загъта Гаглойты Алан.
Августы Цхинвалы горӕттаг тӕрхондон рахаста скъуыддзаг хъуыддаг фӕстӕмӕ прокуратурӕмӕ баздахыны фӕдыл, цӕмӕй иуварс ӕрцӕуой фӕдысгӕрсты рӕстӕджы ӕруадзгӕ згъуыдтытӕ.
Фӕстӕдӕр фӕбӕрӕг ис, Уӕлдӕр тӕрхондон кӕй аивта ацы скъуыддзаг ӕмӕ йӕ баздӕхта фӕстӕмӕ тӕрхондонмӕ.