ЦХИНВАЛ, 13 окт – Sputnik, Плиты Фатимӕ. Хуссар Ирыстоны Дзауы районы администрацийы сæрдар Тыбылты Вандæйы фæхуындмæ гæсгæ районы сабитæн радисдзысты падзахадон театры репертуарæй аргъау "Домбай гæды", фехъусын кодтой Sputnik паддзахадон театры пресс-службӕйы.
"Аргъау æвдыст цæудзæн 15 октябры Дзауы, цыппар сахатыл. Уый у районы сабитæн администрацийы хистæр лæвар", - загътой уагдоны.
Аргъау "Домай гæды" сæвæрдта æвзонг режиссер Хъотайты Сæрмæт Павел Морозовы пьесæ "Лев Васька"-мæ гæсгæ, æвзонг режиссерæн уый у йе 'ртыккаг режиссерон куыст æмæ дыккаг аргъау. Уымæй размæ ма уый бацæттæ кодта комеди "Ӕфсин" æмæ аргъау "Тæрхъусы амонд". Ӕрмæг ирон æвзагмæ раивта драматург Тъехты Василий.
Паддзахадон театры репертуары ис цалдӕр спектаклы сабитӕн, сӕ нымӕцы "Домбай гӕды", "Бирӕгъ ӕмӕ тӕрхъустӕ", "Сырх худ" ӕмӕ ӕндӕртӕ.