ЦХИНВАЛ, 18 мая – Sputnik. Хуссар Ирыстоны Арбитражон тæрхондоны сæрдар æмæ тæрхонгæнджыты кандидатурæтæм, кæцыты бавдыста президент Гаглойты Алан, æркастысты законад æмæ бынæттон хæдразамынады фæдыл парламентон комитеты рабадтыл, фехъусын кодта цыппæрæмы закондæттæг органы пресс-службæ.
Парламенты æркастысты Арбитражон тæрхондоны сæрдар æмæ тæрхонгæнджыты кандидатурæтæм
© Photo : Пресс-служба парламента РЮО
Парламенты банысан кодтой, республикæйы Арбитражон тæрхондоны сæрдары бынатмæ паддзахады сæргълæууæг кæй банхъардта снысан кæнын Лалыты Иринайы, тæрхонгæнджыты бынæттæм та – Æлборты Мæдинæ, Гойаты Роман æмæ Тедеты Оксанайы.
Афтæ ма комитеты рабадтыл æркастысты Хацырты Виолеттайы Хуссар Ирыстоны Арбитражон тæрхондоны сæрдары хæдивæджы бынатæй ссæрибар кæныны фарстмæ.
Кандидатурæтæм æркаст адарддæр уыдзæн парламенты президиумы радон рабадтыл, бахахх кодтой пресс-службæйы.
Парламенты æркастысты Арбитражон тæрхондоны сæрдар æмæ тæрхонгæнджыты кандидатурæтæм
© Photo : Пресс-служба парламента РЮО