ЦХИНВАЛ, 23 окт - Sputnik. Изралы æфсад æрлæууын кæндзæн сектор Газайы уæлзæххон операци, кæд æмæ ХАМАС рауадза уацайрæгты æмæ йæхи радта, фехъусын кодта Израилы Хъахъхъæнынады æфсады (ЦАХАЛ) пресс-сектретарь Джонатан Конрикус.
"ХАМАС куы рацыдаид йе ᾿мбæхсæнтæй, сабыр цæрджыты фæстæ куы не ᾿мбæхсид, ныр куыд аразынц афтæ, нæ уацайрæгты нын куы раздæхтаид, се ᾿ппæтæй 212 æмæ сæхи куы радтаиккой æнæдзырдæй, уæд хæст фæуыдаид. Куы нæ сæххæст кæной уый (домæнтæ – ред.), уæд махæн, æвæццæгæн, æндæр гæнæн нæ уыдзæн æмæ йæ сараздзыстæм (ауаддзыстæм уæлзæххон операци – ред.)", - æрхаста РИА Новости Конрикусы цитатæ.
Уыимæ иумæ пресс-секретарь нæ радта æргом дзуапп, цавæр у ЦАХАЛ сæйрагдæр нысан: ХАМАС скуынæг кæнын æви уацайрæгты ссæрибар кæнын.