Хуссар Иры парламенты æрдзырдтой хъæууон скъолаты уавæрыл

Sputnik
ЦХИНВАЛ, 18 июл - Sputnik. Хуссар Ирыстоны ис тæссаг уавæр хъæууон скъолатимæ, уыдон æхгæд æрцæуынц республикæйы дæрддзæф регионты цæрджыты нымæцы фæкъаддæры тыххæй. Уый тыххæй радзырдта ахуырад æмæ зонады фæдыл парламентон комитеты сæргълæууæг Тадтаты Таймураз, хъусын кæны закондæттæг органы пресс-службæ.
Тадтаты Таймураз комитеты рабадтыл банысан кодта, парламентаритæм кæй æрбадзурынц республикæйы цæрджытæ кæцыдæр районты скъолаты сæхгæды фæдыл.
"Мах хъуамæ æмбарæм, ацы скъолатæ куы сæхгæной, уæд сæ никуыуал бакæндзысты. Ахуырадон уагдоны баконд у уæззау процесс. Мах фæлварæм тох кæнын уыимæ, фæлæ адæм цадæггай цæуынц хъæутæй горæттæм, сывæллæтты нымæц къаддæр кæны", - загъта комитеты сæргълæууæг.
Тадтаты Таймураз бафтыдта, зæгъгæ, хъæуы саразын сæрмагонд программæ, афтæ ма райсын уæрæсейаг фæлтæрдзинад дæр.
Хуссар Иры парламенты æрдзырдтой хъæууон скъолаты уавæрыл