ЦХИНВАЛ, 9 авг - Sputnik. Хуссар Ирыстоны Дзауы районы ацыдысты 2008 азы августы хӕсты 16-ӕм афӕдзы бонӕн нывонд фыдохы мадзӕлттӕ, фехъусын кодтой Sputnik-ӕн районы администрацийы пресс-службӕйы.
Номарӕн мадзӕлттӕ райдыдтой дидинты сӕвӕрдӕй мысӕн Аллеймӕ. Уый фӕстӕ районы администрацийы сӕргълӕууӕг Тыбылты Ванда уагдоны кусджытӕ ӕмӕ поселочы цӕрджытимӕ бабӕрӕг кодтой Ирыстоны хъахъхъӕнджыты ингӕнтӕ.
Фыдохы митинг "Номарӕн цырагъ"-ы рӕстӕджы Тыбылты Ванда банысан кодта, 16 азы фӕстӕ дӕр зӕрдӕты рыст кӕй нӕ нымӕг кӕны.
Мадзалы кӕрон арвмӕ суагътой Ирыстоны хӕдбардзинады сӕраппонд йӕ цард чи радта, уыдонӕн нывонд урс тымбылӕгтӕ.