ЦХИНВАЛ, 27 ноя - Sputnik, Плиты Фатимæ. Хуссар Ирыстоны паддзахадон драмон театр æмæ Цæгат Ирыстоны Ирон театр сфидар кодтой æмгуыстады бадзырд, фехъусын кодой Sputnik ПДТ пресс-службæйы.
Суагъæ фидар æрцыд ПДТ æмæ Ирон театры аивадон къухдариуæггæнджытæ Дзудцаты Тамерлан æмæ Колыты Владиславы къухфыстæй.
"Нæ гастрольты агъоммæ Цæгат Ирыстоны фидар æрцыд æмгуыстады бадзырд дыууæ театры хсæн. Документ бæрæг кæны, Ирыстоны дыууæ стыр театры интересты кæй ис æмгуыстад ирон æгъдæуттæ бахъахъхъæнын, театралон культурæ райтынг кæнын æмæ аивадон сгуыхтдзинæдты парахаты оххыл", - радзырдтой пресс-службæйы.
Суагъæ фидар æрцыд ПДТ æмæ Ирон театры аивадон къухдариуæггæнджытæ Дзудцаты Тамерлан æмæ Колыты Владислав къухфыстæй
© Пресс-служба ГДТ
Уым ма банысан кодтой, ацы къуыри хуссарирыстойнаг труппæйæн кæй уыдзæн ралæудтæ Цæгат Ирыстоны, уалдзæджы та Цхинвал æнхъæлæмæ кæсы "цæгаттæгты" рцыдмæ.
"Уыдзæн иумæйаг проектæ æмæ спектакльтæ бадзырды фæлгæтты", - бафтыдтой культурон уагдоны пресс-службæйы.
