Хуссарирыстойнаг журналист райста Цæгат Иры сæргълæууæджы преми

© Sputnik / Фатима ПлиеваХуссарирыстойнаг журналист райста Цæгат Иры сæргълæууæджы преми
Хуссарирыстойнаг журналист райста Цæгат Иры сæргълæууæджы преми - Sputnik Хуссар Ирыстон
Рафыссын
Биазырты Мæдинæ ныридæгæн кусы газет "Южная Осетия"-йы æхсæнадон-политикон хайады хистæрæй, æмткæй корреспондентон куыст кæны 5 азы

ЦХИНВАЛ, 15 янв - Sputnik, Плиты Фатимæ. Хуссар Ирыстоны газет "Южная Осетия"-йы кусæг Биазырты Мæдинæ райста Цæгат Ирыстоны сæргълæууæджы преми. Номинаци "Единение"-йы хуыздæрыл банымадтой йæ куыст "Медиа Север – Юг": сотрудничество и активизация механизмов взаимной интеграции масс-медиа".

Биазырты Мæдинæ ныридæгæн кусы газет "Южная Осетия"-йы æхсæнадон-политикон хайады хистæрæй, æмткæй корреспондентон куыст кæны 5 азы дæргъы.

"Конкурсмæ бавдыстон цалдæр куысты, фылдæр мæ ныфс уыд æндæр æрмæгæй, фæлæ рамбылдта Ирыстоны цæгат æмæ хуссары журналистты конференцийы тыххæй уац", - загъта Sputnik Биазырты Мæдинæ.

Уый ма банысан кодта, уымæн хæсгонд кæй уыд Хуссар Ирыстоны президент Бибылты Анатолийы номæй радтын бузныджы гæххæт Цæгат Ирыстоны сæргълæууæг Битарты Вячеславæн, конкурсы номинацитæм ма кæй бафтыдтой "Единение", уый тыххæй.

Преми - Sputnik Хуссар Ирыстон
Хуссар Иры цыппæрæм хатт расидтысты Нафийы преми

"Сæ куыстытæ бавдыстой æрмæст цыппар авторы. Цæгат Иры мыхуыр æмæ информацийы комитеты уæнгтæ равдыстой се 'нæразыдзинад номинацийы архайджыты чысыл нымæцы фæдыл", - бафтыдта уый.

Цæгат Ирыстоны сæргълæууæджы премийы хсæн номинаци "Единение", цы ран сæ бон у хайад райсын Хуссар Ирыстоны журналисттæн, фæзынд 2018 азы. Йæ нысан у Ирыстоны дыууæ хайы информацион тыгъдады æнгом кæнын.

Ног хабӕртты лентӕ
0