19:17 12 ЦЫППУРСЫ МÆЙ 2019
Комкоммӕ эфир
  • EUR70.43
  • USD63.23
Ноябры триумфатортæ: чемпионтæ æмæ тренертæ радзырдтой се ʻнтыстытыл

Ноябры триумфатортæ: чемпионтæ æмæ тренертæ радзырдтой се ʻнтыстытыл

© Sputnik / Фатима Плиева
Спорт
Чысыл дӕнцӕг
12310

Мыхуыр æмæ информацийы комитет суазæг кодта æппæтстилон каратэйы дунейы ерысты уæлахиздзаутæ – Дудайты Донна, Лолоты Артур, призертæ – Бестауты Азæмæт æмæ Пухаты Алан æмæ сæ тренертæ Созайты Владимир æмæ Хъуылымбегты Мамеды

ЦХИНВАЛ, 29 ноя - Sputnik, Плиты Фатимæ. Цхинвалы ацыд Ӕппæтстилон каратэйы дунейы чемпионат æмæ фыццагады уæлахиздзауты æмæ сæ тренерты пресс-конференци.

Хуссар Иры командæ æрхаста фондз майданы. Уæлахиздзаутæ ссисты Созайты Владимиры хъомылгæнинæгтæ Дудайты Донна æмæ Павел Швец. Чызг расгуыхт æвзæнгты хсæн, лæппу тыхджындæр уыд чемпионаты. Хъуылымбегты Мамеды хъоымылгæнинаг Лолоты Артур ссис ацы ерысты уæлахиздзау, йæ аннæ æмсекционтæ Бестауты Азæмæт æмæ Пухаты Алан ссисты чемпионаты бронзæйон призертæ.

Ноябры мæйы спорты триумфатортæ радзырдтой се ʻнтыстытæ æмæ финансон проблемæтыл.

Пресс-центры уазджыты хсæн иунæг чызг Дудайты Доннæмæ фыццаг рады уыд здæхт журналистты хъусдард, уæлахизтыл буцахуыр чызг ацы хатт дæр уыд æнтыстджын.

"Сæйраг у зæрдыл дарын, цы дын амыдта тренер æмæ уæд алцыдæр рауайдзæн. Иууыл стырдæр æнхъæлмæ кастæн хорз фæлтæрддзинадмæ, нырма дæр кæронмæ нæ бамбæрстон кæй рамбылдтон, уый", - загъта Донна.

Йæ тренеры ныхæстæм гæсгæ, йæ хъомлгæнинæгты хсæн хуыздæр æнтыстытæ æфты чызджыты къухы.

"Сылгоймагæн æрдзæй афтæ у йе ʻсконд æмæ уый тынгдæр фæразы рыст. Стæй лæппуты æвиппайд хъæуы уæлахизтæ, чызджытæ та сты хъæддыхдæр", - загъта тренер.

Ӕппæтстилон каратэйы дунейы чемпионат æмæ фыццагады Хуссар Иры командæ архайдта бæстæйы тырысайы бын. Цæхгæр уый ныхмæ рацыд Гуырдзыстоны командæ æмæ ерысты хайадистæй систой сæхи.

"Стыр æххуыс нын бакодта ерысты фысым бæстæ – Уæрæсейы æппæтстилон каратэйы федерацийы хистæр Рамиль Габбасов. Ерыстæ æндæр бæстæйы куы цæуой, уæд нын гæнæн ис фæзына зындзинæдтæ, - загъта тренер Созайты Владимир.

Пресс-конференция победителей и их тренеров чемпионата мира по всестильевому карат
© Sputnik / Фатима Плиева
Ноябры триумфатортæ

Ерыстæ цыдысы бæрзонд æмвæзадыл, архайдтой дзы 72 командæйы. Сеʻнтыстмæ æнæкæсгæйæ спортсменты уæлахизтæ куыддæр аззадысты æнæхъусдард. Аннæтыл кæд Ручъы тоннелы уæлхъус æмбæлынц, уæд уыдон сæ цины уыдысты иунгæгæй.

"Мæ сыхæгтæ мыл сæмбæлдысты тырысатæ æмæ æртæ уæлибыхимæ", - загъта Созайты Владимир.

"Ме ʻмкъласонтæ мыл абон скъолайы сæмæлдысты хорз – арфæтæ æмæ лæвæрттимæ", - загъта Донна.

Йæ хъомылгæнинæгты æнтыстытыл æрдзырдта Хъуылымбегты Мамед дæр. Уый бафиппайдта йæ ахуырдзауты сæйраг кæй къуылымпы кæны финансон æнæстабилондзинад.

"Бон дыууæ хатты вæййынц тренировкæтæ фæйнæ дыууæ сахаты. Цæттæ кæныны ʻхсæн фæсивæд куы тырной куыстмæ, афтæмæй зын у чемпион суæвын", - загъта Хъуылымбегты Мамед.

Уый ма радзырдта рæвдзытæм ацæуыны фадæттæ дæр сты къуындæг.

"Ацы спорты хуыздæр центртæ сты Таиланд æмæ Голландийы, уырдæм афтын та у зын æмæ зынаргъ", - бафтыдта тренер.

Хъуылымбегты Мамед ма бузныг загъта президентæн йе ʻххуысы тыххæй.

Пресс-конференция победителей и их тренеров чемпионата мира по всестильевому карат
© Sputnik / Фатима Плиева
Ноябры триумфатортæ: чемпионтæ æмæ тренертæ радзырдтой се ʻнтыстытыл

"Ерыстæм ацæуынæн нын баххус кодта, стæй ма нын нæ хатæнæн дæр самал кодта ифтонгад", - загъта тренер.

Аннæ тренер Созайты Владимир ма радзырдта, декабры кæй  æнхъæлмæ кæсынц Уæрæсейы æппæтстилон каратэйы федерацийы хистæр Рамиль Габбасовмæ.

"Йеʻрцыдмæ хъуамæ ам бынаты саразæм Хуссар Иры æппæтстилон каратэйы федераци æмæ стæй бакусæм цæмæй Хуссар Ир дæр бавдыстгонд уа дунейы спортивон баиугонды, куыд хицæн бæстæ", - балхынцъ кодта уый.

Ерыстæ цыдысты Мæскуыйы 22-25 ноябры.

  • Бестауты Азæмæт
    Бестауты Азæмæт
    © Sputnik / Фатима Плиева
  • Лолоты Артур
    Лолоты Артур
    © Sputnik / Фатима Плиева
  • Хъуылымбегты Мамед
    Хъуылымбегты Мамед
    © Sputnik / Фатима Плиева
1 / 3
© Sputnik / Фатима Плиева
Бестауты Азæмæт

Сӕйраг темӕтӕ