ЦХИНВАЛ, 23 сен — Sputnik. Хуссар Ирыстоны мидхъуыддӕгты министрады призтыл Фыццаг ӕхсӕнадӕмон турнир ӕмбуар хӕстӕй ацӕудзӕн Цхинвалы, фехъусын кодта Sputnik РХИ ӕмбуар хӕсты федерацийы президент Зӕгъойты Гамлет.
"Гауызмӕ рахиздзысты командӕтӕ ДАР, ЛАР, Днестргӕрон республикӕ, Хӕххон Хъарабах, Никарагуа ӕмӕ Венесуэлӕйӕ. Турниры фысым, Хуссар Ирыстон, ӕрбавдисдзӕн дыууӕ командӕйы", — загъта Зӕгъойты Гамлет.
Турнир уагъд ӕрцӕудзӕн 7-10 октябры Спорты галуан "Олимп"-ы.
Йӕ организатор у Хуссар Ирыстоны ӕмбуар хӕсты федераци республикӕйы МХМ ӕмӕ РХИ фӕсивӕдон политикӕ, спорт ӕмӕ туризмы фӕдыл комитеты ӕххуысӕй.
