ЦХИНВАЛ, 23 сен — Sputnik. Хуссар Ирыстонмӕ фӕхӕццӕ кодтой тагъд медицинон ӕххуысы машинӕтӕ, кӕцытӕ республикӕйын ӕнӕниздзинад хъахъхъӕнынады министрадӕн балӕвар кодта мӕскуыйаг хӕрзаудӕн фонд "Алантӕ".
Хӕрзаудӕн акцийы фӕдыл бадзырд арӕзт ӕрцыд РХИ президент Тыбылты Леониды ӕрӕджыйы визиты рӕстӕджы Мӕскуымӕ, цы ран уымӕн фембӕлд уыд уӕрӕсейаг бизнесментимӕ.
Ӕнӕниздзинад хъахъхъӕнынады министрад тагъд ӕххуысы 10 машинӕйы адих кӕндзӕн горӕты ӕмӕ районты медицинон уагдӕттыл.
Президенты пресс-секретарь Гана Яновская куыд фехъусын кодта, афтӕмӕй Тыбылты Леонид загъта бузныг, ацы хӕрзаудӕн акцийы хайад чи райста, уыдонӕн.
"Ӕз бузныг дӕн не ′мбӕлттӕн Мӕскуыйы, кӕцытӕ раразмӕ кодтой ахӕм хорз ӕмӕ ахсджиаг ӕнхъарӕн", — рхаста Яновская президенты ныхӕстӕ.
РХИ ӕнӕниздзинад хъахъхъӕныны министр Григорий Кулиджанов, кӕцы райста машинӕтӕ, бахахх кодта, "алыхатдӕр кӕй у актуалон медицинон уагдӕтты автопаркы комплектаци ӕмӕ сног кӕнын", уый загъта бузныг республикӕйы къухдариуӕгад ӕмӕ уӕрӕсейаг бизнесментӕн.
Ацы хӕрзаудӕн акци фонды фыццаг нӕу — йӕ финансон ӕххуысӕй Хуссар Ирыстоны реализаци цӕуы комплексон информацион системӕ "Ӕдас горӕт"-ы арӕзтады проект.
