ЦХИНВАЛ, 18 окт — Sputnik. Республикӕйы рухсы ахицӕн ахаст ӕрцыд иннӕ къуыримӕ, фехъусын кодта Sputnik "Энергоресурс"-ы сӕргълӕууӕг Гӕбӕраты Алан.
Раздӕр "Энергоресурс" фехъусын кодта рухсы нывӕзтон ахицӕны тыххӕй дыццӕджы, электрохаххы иу фадыгыл цалцӕггӕнӕн куыстытӕ ауадзыны ӕнӕмӕнгхъӕуындзинады тыххӕй.
Фӕстӕдӕр Гӕбӕраты Алан фехъусын кодта, ацы хъуыддаг хаст кӕй ӕрцыд иннӕ къуыримӕ, "электроэнерги кӕй хъӕуы, ахӕм мадзӕлтты тыххӕй".
"Фӕстаг уысм мах адзырдтам нӕ цӕгатирыстойнаг коллегӕтӕм ӕмӕ бадзырдтам нывӕзтон профилактикон цалцӕггӕнӕн куыстытӕ иннӕ къуыримӕ ахӕссын. Уымӕ гӕсгӕ паддзахадон ӕмӕ бюджетон организацитӕ кусдзысты ӕххӕст кусгӕ бон", — загъта Гӕбӕраты Алан.
Уый ма бафтыдта, рухсы ахицӕны тыххӕй республикӕйы цӕрджыты кӕй бафӕдзӕхсдзысты развӕлгъау.
