ЦХИНВАЛ, 9 ноя — Sputnik. Уӕрӕсейы президент Владимир Путин йӕ арфӕйы АИШ-ы равзаргӕ президент Дональд Трампӕн равдыста ныфс уӕрӕсейаг-америкӕйаг ахастытӕ кризисон уавӕрӕй рахизын кӕныны фӕдыл, хъусын кӕны Кремлы пресс-службӕ.
"Йӕ телы Владимир Путин равдыста ныфс уӕрӕсейаг-америкӕйаг ахастытӕ иумӕйаг тыхтӕй кризисон уавӕрӕй рахизын кӕныны, афтӕ ма ӕхсӕнадӕмон боныфӕткы актуалон фарстытӕ скъуыддзаг кӕныны фӕдыл", — дзырдӕуы хъусинаджы.
Уымӕй дарддӕр ма, уӕрӕсейаг президент равдыста ныфс, "Мӕскуы ӕмӕ Вашингтоны ӕхсӕн ӕмбар принциптӕ, кӕрӕдзийӕн цыт кӕнынад ӕмӕ кӕрӕдзи позицитӕ хынцынадыл цы конструктивон диалог бындуриуӕг кӕна, уый дзуапп кӕй дӕтты нӕ дыууӕ бӕстӕйы адӕмы ӕмӕ дунейон ӕмӕхсӕнады хъӕппӕристӕн".
Путины зӕрдӕ загъта Трампӕн стыр ӕнтыстытӕ ахӕм бӕрнон — паддзахады сӕргълӕууӕджы бынаты.
