ЦХИНВАЛ, 21 ноя — Sputnik. Дзӕуджыхъӕуы цӕрӕджы ӕрцахстой йӕ сыхаджы амарыны тыххӕй, кӕцы уымӕй чысыл раздӕр карды цӕфы фӕстиуӕгӕн бахауд горӕттаг клиникон рынчындонмӕ, хъусын кӕны Цӕгат Ирыстоны МХМ управленийы пресс-службӕ.
Оперативон кусджытӕ цауы бынаты сбӕлвырд кодтой, 28-аздзыд горӕты цӕрӕджы кӕй амардта йӕ сыхаг.
"Дыууӕ нӕлгоймаджы ӕхсӕн хъаугъа рауад 8 марты уынгыл хӕдзӕрттӕй иуы кӕрты. Ахастытӕ ӕвзарыны рӕстӕджы 1963 азы гуырд дзӕуджыхъӕуккаг ныццавта йӕ оппоненты хъуыр кардӕй", — дзырдӕуы хъусинаджы.
Азымгонд у ахст, фыдракӕнды факты фӕдыл ӕрмӕг ӕрвыст ӕрцыд Цӕгат Ирыстоны СК Слестгӕнӕн управленимӕ процессуалон скъуыддзаг рахӕссыны фӕдыл.
