ЦХИНВАЛ, 9 фев — Sputnik. Хуссар Ирыстоны ног Инвестпрограммӕмӕ хъӕуы бахӕссын пункт, кӕцымӕ гӕсгӕ рахицӕн цӕуой фӕрӕзтӕ цардуагон бырӕттӕ утилизаци кӕныны фӕдыл программӕйы реализацийӕн, загъта парламенты вице-спикер Тедеты Руслан.
Депутат ӕрхаста цхинвайлаг администрацийы бӕрӕггӕнӕнтӕ, кӕцытӕм гӕсгӕ коммуналон службӕтӕ ӕрвылаз дӕр ӕрӕмбырд кӕнынц 150 мин кубометры бырон.
Тедеты Руслан зӕрдыл ӕрлӕууын кодта, ацы фарст рӕстӕгӕй рӕстӕгмӕ кӕй сисынц дзыллон информацийы фӕрӕзтӕ, иу ӕмӕ йыл дыууӕ хатты нӕ цыд дзырд хицауад ӕмӕ парламенты, ацы фарсты фӕдыл куырдиӕттӕ бацӕуынц ӕндӕр паддзахадон органтӕм дӕр.
"Хъӕбӕр цардуагон ӕвзарӕнты полигонӕн фӕзуат рахицӕн кӕныны фарст, кӕцы цалдӕр дӕс азы кӕндзӕн йӕ куыст — у вазыгджын хӕслӕвӕрд ӕмӕ домы егъау хӕрдзтӕ. Раст уаид радон ӕртӕ азы Инвестпрограммӕмӕ бахӕссын хъӕбӕр цардуагон бырӕттӕ утилизаци кӕныны фӕдыл программӕйыл бакуыст ӕмӕ реализацийӕн фӕрӕзтӕ", — загъта Тедеты Руслан.
Йӕ ныхӕстӕм гӕсгӕ, бырӕтты рацарӕзт ӕмӕ утилизацийы нырыккон методтӕй пайдакӕнынад рогдӕр кӕны полигонӕн ӕнӕмӕнгхъӕуӕг фӕзуаты равзӕрст, уымӕн ӕмӕ афтӕмӕй бӕрӕг къаддӕр кӕны алфӕмблайӕн бакӕнгӕ зиан.
Депутаты хъуыдымӕ гӕсгӕ, хъӕбӕр цардуагон бырӕттӕ утилизаци кӕныны фӕдыл программӕ саразын ӕмӕ реализацийы ӕмрӕнхъ хъӕуы сорганизаци кӕнын мадзӕлттӕ, кӕцытӕ уыдзысты здӕхт ацы фарстытӕм ӕмбӕстӕгты цӕстӕнгас аивынмӕ — дзыллон информацийы фӕрӕзты мыхуыр кӕнын аудгӕ ахаст ӕрдзмӕ, чи йӕ чъизи кӕны, уыцы адӕммӕ та ӕнӕбыхсгӕ ахаст пропагандӕ кӕнын.
"Нырыккон технологон ногдзинӕдтӕн ӕмбалиуӕг кӕнынц негативон фӕзындтӕ, кӕцытӕ ӕркӕнынц уӕззау фӕстиуджытӕм.Уый тыххӕй хъӕуы бакусын утилизацийы фарстытыл алы цӕрӕн пунктӕн дӕр. Хорз уаид сӕвӕрын бырондӕттӕ республикон нысаниуӕг кӕмӕн ис, уыцы автомобилон фӕндӕгтыл", — банхъардта депутат.
Уый банысан кодта, ӕрдзмӕ ӕнӕуаг ахаст хъуамӕ "фыст цӕуа дзыппӕй", цинтӕ ӕмӕ бынӕттӕм ӕнӕкӕсгӕйӕ.
Цхинвалы цӕгаттаг микрорайонты цӕрджытӕ арӕх хъаст кӕнынц бынат цы быгъдоны нал ис, уый смагӕй. Ацы фарстыл бирӕ хатт уынаффӕ кодтой ӕмбырдтӕ ӕмӕ рабадтыл мэрияйы, хицауад ӕмӕ парламенты. Столицӕйы хицӕуттӕ фидарӕй дзурынц, бырӕтты полигоны ӕндӕр бынатмӕ ахӕссыны фарст кӕй у баст Цхинвалы районы къудариуӕгадимӕ, кӕцы хъуамӕ радта разыдзинад территори рахицӕн кӕнынӕн.
