ЦХИНВАЛ, 19 апр — Sputnik. Дыууæ хуссарирыстойнаг боксеры Джиоты Вадим æмæ Кокойты Эдуард Уӕрӕсейы фыццагад "Юность России"-йӕ ӕрцыдысты уӕлахизимӕ, ноджы ма дыууæйæ та бацахстой дыккаг бынæттæ, радзырдта Sputnik боксы скъолайы минӕвар Кокойты Ирбег.
Уæлдай ахадгæ æрыгон боксерты æнтыст æппæтуæрæсейон ерысты уымæн у, æмæ дзы иутæн уый уыд сæ фыццаг фæлтæрддзинад ахæм турниры.
"Джиоты Вадим нырма иу аз дæр нæ цæуы боксы скъоламæ, фæлæ иу хатт дæр никуы ма фæхæрд. "Юность России"-йы тохы фæуд аскъуыддзаг кæнынæн æй иу минут дæр нæ бахъуыд, йæ ныхмæлæууæг цъæл фындзимæ аздæхт. Ноджы ма нæ раздæры хъомылгæнинӕгтӕй иу, нырт та спортивон скъола "Олимп"-ы боксер Кокойты Эдуард дыууæ тохы фæстиуæгæн рамбылдта ерыстæ", — банысан кодта Кокойты Ирбег.
Уый ма радзырдта, уæлахидзаутæ ныр та сæ ных кӕй сарæзтой Уæрæсейы фыццагадмæ.
"Юность России"-йы уӕлахиздзаутӕ Уæрæсейы æппæт къуымтæй 30 апрелæй 14 маймæ уыдзысты сборты Новороссийскы. Уыдон сæхи цæттæ кæндзысты Уæрæсейы фыццагадмæ, кæцы ацæудзæн Анапæйы 14 майы", — загъта тренер.
Тренер бафтыдта, ноджы ма боксы скъолайы дыууæ хъомылгæнинаг Кокойты Хетæг æмæ Алан Аль-дамари та кӕй рамбылдтой фыццагады æвзист майдантæ.
