Цхинвайлаг фæндырдзæгъдæг хайад райсдзæн фестивалы Дзæуджыхъæуы

© Sputnik / Фатима Плиева Фæндырдзæгъдджыты конкурс Цхинвалы
Фæндырдзæгъдджыты конкурс Цхинвалы - Sputnik Хуссар Ирыстон
Бафыссын
Yandex newsTelegram
14-аздзыд лæппу ахуыр кæны Ӕлборты Феликсы номыл музыкалон ахуыргæнæндоны, Хуссар Ирыстонæй æрмæст уый ахызт æвзæрстытæ

ЦХИНВАЛ, 15 май — Sputnik, Плиты Фатимæ. Хуссарирыстойнаг æвзонг фæндырдзæгъдæг Ходты Арсен бавдисдзæн æртæ музыкалон номыры адæмон инструменттыл цæгъдджыты III æхсæнадæмон фестиваль "Ирон Фæндыр"-ы, фехъусын кодтой Sputnik Культурæйы министрады пресс-службæйы.

Дзæуджыхъæуы уадзынц сывæллæтты конкурс Иры фидæн ирон æвзагыл - Sputnik Хуссар Ирыстон
Дзæуджыхъæуы уадзынц сывæллæтты конкурс "Иры фидæн" ирон æвзагыл

Ходты Арсен у Ӕлборты Феликсы номыл музыкалон ахуыргæнæндоны фыццаг курсы ахуыргæнинаг. Хуссар Ирыстонæй æрмæст уый ахызт æвзæрстытæ.

"Ходты Арсен ацыд развæлгъау æвзæрст Цхинвалы. 14-аздзыд лæппу йæ ахуыргæнæг Куымæридтаты Тинайы къухдариуæгады бын бацæттæ кодта цалдæр номыры – Кокойты Асланы уацмыс "Симды фæз", Ирон вальс Гæздæнты Булаты бакуыстæй æмæ "Гармоника-буги", — загътой пресс-службæйы.

Мадзал ацæудзæн 18 майы Тæбæхсауты Балойы номыл Ирон театры сценæйыл.

Ног хабӕртты лентӕ
0