ЦХИНВАЛ, 19 июн — Sputnik. Хуссар Ирыстоны Дзауы районы Хслебы хъӕуы цур ссардтой 32-аздзыд нӕлгоймаджы мӕрдон буар, фехъусын кодтой республикӕйы Мидхъуыддӕгты министрады (МХМ) пресс-службӕйы.
Уагдоны банысан кодтой, цауы тыххӕй районы милицимӕ кӕй фехъусын кодтой къуырисӕры фӕссихор.
Цауы бынатмӕ уайтагъд ацыдысты МХМ, прокуратурӕ ӕмӕ УУМ кусджытӕ.
"Басгӕрсты рӕстӕджы сбӕрӕг кодтой амӕлӕджы гоймагдзинад — уый разынд Уыцыфарс хъӕуы 32-аздзыд цӕрӕг", — фехъусын кодтой уагдоны.
Медицинон басгӕрст не сбӕрӕг кодта тыхмарды миниуджытӕ.
