ЦХИНВАЛ, 19 апр — Sputnik, Плиты Фатимӕ. Адӕмон сфӕлдыстады центр сиды республикӕйы аивады фадыджы архайджытӕм конкурс-фестивальты хайад райсынмӕ. Майы Цхинвалы ацӕудзӕн ӕртыккаг республикон фестиваль "Бинонтӕ – курдиатты стъалыгуппар" ӕмӕ фыццаг адӕмон зарӕджы фестиваль "Айзӕлд", фехъусын кодтой Sputnik уагдоны пресс-службӕйы.
Конкурстӕ ацӕудзысты 19 майы ПККЗ "Чермен"-ы.
"Сфӕлдыстадон конкурс" Бинонтӕ – курдиатты стъалыгуппар"-ы архайыны бар ис хӕдархайгӕ коллективтӕн, кӕцыйы уӕнгтӕ сты иу бинонтӕй, науӕд сты хæстæджы тӕгтӕй баст. Бинонты сфӕлдыстад гӕнӕн ис равдисын академион вокал, эстрадон вокал, адӕмон вокал, фольклор, кафт ӕмӕ ӕндӕр хӕххытыл", - загътой уагдоны пресс-службӕйы.
Уым ма банысан кодтой, ӕмрӕстӕджы ма ацӕудзӕн ирон адӕмон зарӕджы фестиваль дӕр.
"Дыккаг мадзал - ирон адӕмон зарӕджы фестиваль "Айзӕлд" цӕудзӕн цыппар номинацийы, Архайыны бар ис индивидуалон зард, вокалон къорд, хор ӕмӕ ВИА номинациты. Алкӕцы номинацийы дӕр рабӕрӕг кӕндзысты уӕлахиздзауты ӕмӕ призерты", - бафтыдтой уым.
