Югосетпотребнадзоры хистӕр: Хуссар Иры къаддӕр кӕны коронавирусӕй рынчынкӕнынад

© Sputnik / Natalia Airiyan Коцты Марина
Коцты Марина  - Sputnik Хуссар Ирыстон, 1920, 24.03.2022
Бафыссын
Yandex newsTelegram
ЦХИНВАЛ, 24 мар - Sputnik, Гӕбӕраты Элина. Коронавирусы радон уылӕн республикӕйы нымӕг кӕны, фехъусын кодта Sputnik Хуссар Ирыстоны сӕйраг санитарон дохтыр Коцты Марина.
Югосетпотребнадзоры сӕргълӕууӕг банысан кодта, азы райдианӕй кӕй къаддӕр кӕны коронавирусон инфекцийӕ рынчынты нымӕц.
"Январы саразгӕ тестты иумӕйаг нымӕцы 42% уыдысты ӕвӕрццаг фӕстиуджытимӕ. Февралы ацы бӕрӕггӕнӕн ӕрхаудта 31% онг. 1-23 марты сарӕзтам 930 пробӕйы, кӕцытӕй 156 равдыстой низы уӕвынад. Уый та у тестты иумӕйаг нымӕцы 17%", - радзырдта уый.
Ацы бӕрӕггӕнӕнтӕм гӕсгӕ, бафтыдта санитарон дохтыр, зӕгъӕн ис, ӕмӕ республикӕйы цӕрджытӕн кӕй фӕзынд коллективон иммунитет.
Коцты Марина банысан кодта, инфекцийы парахаты коэффициент кӕй у 0,3 бӕрц, уый та у иттӕг хорз бӕрӕггӕнӕн.
Коронавирус Хуссар Иры - Sputnik Хуссар Ирыстон, 1920, 24.03.2022
Хуссар Иры хицауад радих кодта фæрæзтæ медиктæн коронавирусы ныхмæ тохы тыххæй
Коронавирусы фӕстаг бӕрӕггӕнӕнты тыххӕй та Коцты Марина фехъусын кодта, фӕстаг суткӕ саразгӕ 30 тестӕй иу дӕр кӕй нӕ равдыста низы уӕвынад.
"Пандемийы рæстæджы мах ӕдӕппӕт сарӕзтам 68 мин лабораторон иртӕсты, уыдон бӕрӕггӕнӕнтӕм гӕсгӕ, вирусӕй фӕрынчын сты 14 104 адӕймаджы. Ныртӕккӕ дохтырты хъусдарды бын сты 14 адӕймаджы, фӕстаг суткӕ хыгъдӕй систой фондз пациенты. Инфекцион рынчындоны "сырх зонӕ"-йы хос кӕнынц ӕхсӕз рынчыны", - банысан кодта уый.
Санитарон дохтыры ныхӕстӕм гӕсгӕ, COVID-19-ӕй сӕнӕнизуӕвӕг пациентты иумӕйаг нымӕц Хуссар Ирыстоны абоны онг у 14 090.
Ног хабӕртты лентӕ
0