Хуссар Иры паддзахадон театр хоны комедийы премьерӕмӕ

© Sputnik / Наталья АйриянТеатр, Цхинвал
Театр, Цхинвал - Sputnik Хуссар Ирыстон, 1920, 25.04.2022
Бафыссын
Yandex newsTelegram
ЦХИНВАЛ, 25 апр - Sputnik, Плиты Фатимӕ. Хуссар Ирыстоны паддзахадон драмон театр хоны цӕрджыты музыкалон спектакль "Пӕсӕйы фӕндон"-ы премьерӕмӕ. Равдыстытӕ нысан сты 27 ӕмӕ 28 апрельмӕ, фехъусын кодта Sputnik ПДТ аивадон къухдариуӕггӕнӕг Дзудцаты Тамерлан.
Комедийы равдыст суыдзӕн дыккаг премьерӕ ацы аз "Фӕстаг ӕвдисӕн"-ы фӕстӕ. "Пӕсӕйы фӕндон" Хуссар Ирыстоны сценӕйыл сӕвӕрдта режиссер Цӕриаты Валерий.
"Спектакль Цӕриаты Валерийы бакастӕй ис Цӕгат Ирыстоны Ирон театры сценӕйыл, ныр ис махмӕ дӕр. Премьерон равдыстыты фӕстӕ майы нывӕндӕм ацы спектакль ӕвдисын цӕгаттаг актерты хайадистӕй. Стӕй ма нӕ актертӕ та архайдзысты Ирон театры ацы спектаклы равдыстыты", - загъта Дзудцаты Тамерлан.
Уымӕй размӕ Хуссар ӕмӕ Цӕгат Ирыстоны ирон театрты аивадон къухдариуӕггӕнджытӕ бафыстой бадзырд ӕмгуыстады фӕдыл. Мадзӕлттӕ ӕххӕст цӕуынц уыцы сразыдзинады фӕлгӕтты.
Спектаклы хъазынц Гӕджиты Инга, Хаситы Сослан, Уанеты Эдуард, Мӕргъиты Инга, Чохели Натия, Гаглойты Артур.
Хуссар Ирыстоны паддзахадон театр - Sputnik Хуссар Ирыстон, 1920, 14.04.2022
Дæргъвæтин паузæйы фæстæ: Хуссар Иры театр сног кодта спектакльты равдысттæ
Туаты Дауыты пьесӕ "Пӕсӕйы фӕндон" у национ драматургийы классикӕ. Ӕвӕрд ӕрцыд цалдӕр хатты Дзӕуджыхъӕуы Ирон Театры сценӕйыл – ивгъуыд ӕнусы 50-ӕм ӕмӕ 90-ӕм ӕзты. Уыд Хуссар Ирыстоны театры репертуары дӕр.
Режиссер Цӕриаты Валерийӕн ацы спектакль йӕ фыццаг куыст нӕ уыдзӕн Цхинвалы - ӕрӕджы уый ралӕууыд актёры хуызы "Фӕстаг ӕвдисӕн"-ы.
Ног хабӕртты лентӕ
0