Ӕфтиаг, згъӕрӕхцатӕ, картӕтӕ: Хуссар Иры Нацбанчы хистӕр хыгъд радта депутаттӕн

© Sputnik / Алексей КовалевНацбанк, Хуссар Ир
Нацбанк, Хуссар Ир - Sputnik Хуссар Ирыстон, 1920, 24.06.2022
Бафыссын
Yandex newsTelegram
ЦХИНВАЛ, 24 июн — Sputnik, Козаты Диана. Фидӕн картӕтӕ "Мир"-ӕй Хуссар Ирыстоны пайда кӕны дӕс минӕй фылдӕр адӕймаджы, загъта Националон банчы сӕргълӕууӕг Джиоты Жанна.
Майрӕмбоны уый бавдыста 2021 азы уагдоны архайды тыххӕй хыгъдлӕвӕрд депутаттӕн.
"Абоны онг фидӕн картӕ "Мир"-ӕй Хуссар Иры ис 10 000 пайдагӕнӕджы", - загъта Джиоты Жанна.
2020 азы республикӕйы цалдӕр организацийӕн бакодтой куыстмыздон фидӕн картӕтӕ системӕ "Мир"-ы бындурыл. Абон Национ банк лӕггад кӕны 30 организацийӕн.
"Нывӕзты нын ис, цӕмӕй бюджетон организацитӕ иууылдӕр рахизой картӕйон продуктмӕ. Мах цӕттӕ стӕм уымӕ", - банысан кодта Нацбанчы сӕргълӕууӕг.
Дудар Хаханов ӕмӕ Тугъанты Махарбег - Sputnik Хуссар Ирыстон, 1920, 20.07.2021
Национ банк сӕнусон кодта згъӕрӕхцайы дыууӕ номдзыд юбиляры нӕмттӕ аивады фадыгӕй
Йӕ ныхӕстӕм гӕсгӕ, картӕ "Мир"-ӕй ис фидӕн ӕппӕт Уӕрӕсейы алкӕцы дуканийы дӕр.
"Хуссар Ирыстоны амалиуӕггӕнджыты нӕ фӕнды ахӕм лӕггады хуызмӕ рахизын, ӕмӕ махӕн та нӕ бон нӕу уыдоныл бандавын. Нӕй нӕм ӕрмӕст мобилон банкинг", - бафтыдта Джиоты Жанна.
Республикӕйы ӕдӕппӕт ис ӕвӕрд 13 банкоматы, уыдонӕй цыппар сты районон центрты.
Нацбанчы хистӕр ма банысан кодта, нывӕзты кӕй ис уӕлӕмхасӕй ноджы цалдӕр банкоматы сӕвӕрын.
Джиоты Жанна: Хусар Иры Национ банк йæ процентон æвæрд нæ фæуæлдæр кæндзæн - Sputnik Хуссар Ирыстон, 1920, 05.03.2022
Джиоты Жанна: Хуссар Иры Национ банк йæ процентон æвæрд нæ фæуæлдæр кæндзæн
Джиоты Жанна ма радзырдта, ивгъуыд аз банк кӕй рауагъта цыппар згъӕрӕхцайы. Ацы азь дӕр фӕнд кӕнынц рауадзын ноджы дыууӕ. Ӕдӕппӕт та 2013 азӕй фӕстӕмӕ рацыд 27 монетӕйы.
Уагдоны хистӕр ма банысан кодта, 2021 азы организацийы ӕфтиаг кӕй уыд 86 милуан 235 мин сомы.
Ног хабӕртты лентӕ
0