Культурӕйы министрад ӕмӕ ПТРК "Ир" ауадздзысты зарӕджы конкурс скъоладзауты хсӕн

© Sputnik / Наталья АйриянТеатр
Театр - Sputnik Хуссар Ирыстон, 1920, 19.07.2022
Бафыссын
Yandex newsTelegram
ЦХИНВАЛ, 19 июл - Sputnik, Плиты Фатимӕ. Хуссар Ирыстоны культурӕйы министрад Хуссар Ирыстоны паддзахадон телерадиокомпани "Ир"-имӕ иумӕ ауадздзысты скъоладзауты хсӕн конкурс "Зарӕг", фехъусын кодта Sputnik культурӕйы министр Зӕгъойты Рада.
"Культурӕйы министрады хӕрдзтӕй скъоладзауты хсӕн ацӕудзӕн зарӕджы конкурс. Йӕ кусӕгон ном у "Зарӕг". Мах хъуамӕ фенӕм курдиатджын сывӕллӕтты Хуссар Ирыстоны ӕппӕт къуымтӕй. Аразӕм ӕй паддзахадон телеуынынад ӕмӕ "Аллонфильм"-имӕ иумӕ", - загъта министр.
Йӕ ныхӕстӕм гӕсгӕ, организацион фарстытӕ сӕхимӕ райсдзӕн Мамиты Григорий ӕмӕ Бестауты Юлияйы тандем. Уыдонӕн ис ахӕм мадзӕлттӕ аразыны фӕлтӕрддзинад.
"Мах рагӕй уадзӕм ӕнгӕс конкурстӕ, фӕлӕ хъӕппӕрис нӕхицӕй цыд. Ныр фыццаг хатт цымыдис равдыста культурӕйы разамынд йӕхӕдӕг ӕмӕ уый у нысан. Куыст райдайдзӕн октябрӕй ӕмӕ ахицӕн уыдзӕн ног азы къӕсӕрыл. Алӕвӕрд уыдзӕн ӕрвылкъуырион", - загъта Мамиты Григорий.
Ирон кафт - Sputnik Хуссар Ирыстон, 1920, 11.07.2022
Хуссар Иры ацæудзæн адæмон кафты конкурс "Ирон кафт"
Йӕ ныхӕстӕм гӕсгӕ, мадзал цӕудзӕн нырыккон телеуынынады шоуы ӕппӕт домӕнтӕм гӕсгӕ.
"Телеуынынад иууыл популярондӕр амал у ныр дӕр. Арӕзт ӕрцӕудзӕн ӕцӕг шоуы хуызӕн. Тӕрхонгӕнджыты нӕмттӕ сусӕг кӕнӕм нырма. Проекты кусдзысты нӕ республикӕйы иууыл аккагдӕр специалисттӕ. Уыдзӕн дзы хъӕлӕсӕппӕрст. Вокалон аивады хуыздӕр цы ис, уыдон рӕгъмӕ рахӕсдзыстӕм", - баххах кодта уый.
Конкурс ацӕудзӕн фӕззӕджы.
Ног хабӕртты лентӕ
0