Цоциты Николайы дыууӕ царды

© Sputnik / Алексей КовалевНиколай физрук и актер
Николай физрук и актер - Sputnik Хуссар Ирыстон
Бафыссын
Yandex newsTelegram
Иуӕй-иу адӕмӕн зын у сӕхи ӕрмӕст иу профессийы арӕны ӕвӕрын. Сӕ гоймагдзинады бирӕвӕрсыгдзинад сын фадат нӕ дӕтты ӕрмӕст иу хъуыддаг аразынӕн. Цоциты Николай у паддзахадон драмон театры актер ӕмӕ цхинвайлаг №3-ӕм скъолайы физкультурӕйы ахуыргӕнӕг.

ЦХИНВАЛ, 15 сен — Sputnik, Босыкты Наталья. Проект "Дыууӕ цард"-ы хъайтар ныр та ссис РХИ паддзахадон драмтеатры актер Цоциты Николай, кӕцы ныр 14 азы ӕмрӕстӕджы иу кӕны актеры професси ӕмӕ ахуыргӕнӕджы куыст.

Физкультурӕйы ахуыргӕнӕг

Дард 1998 азы Николай бацыд куыстмӕ ӕхсӕнадон организаци "РХИ фӕсивӕды цӕдисмӕ". Йӕ ныхӕстӕм гӕсгӕ, уӕды рӕстӕджы зын уыд исты цымыдисон куыст ссарын. Николай ӕнӕзивӕгӕй сразы, цы йын банхъардтой ууыл — организацийы патриотикон хайады куыст.

Организацийы стыр ӕнтыстыл Николай нымайы, ам фӕсивӕды цӕдис, хъахъхъӕнынады ӕмӕ ахуырады министрӕдтӕ кӕй ӕмгуыстад кӕнынц скъолаты райдиан ӕфсӕддон цӕттӕдзинады (НВП) урок сфидар кӕныныл.

Сааулохты Георгий - Sputnik Хуссар Ирыстон
Саулохты Георгийы дыууӕ царды

"Уӕд скъолаты ахӕм предмет нӕ ахуыр кодтой. Иумӕйаг тыхтӕй мах цадӕггай райдыдтам амонын ацы РӔЦ скъолаты. Ӕрбахуыдтам-иу ӕфсӕддон инструкторты, ӕрыгон офицерты, кӕцытӕ бынтон ӕрӕджы ӕрӕвнӕлдтой сӕ куыстмӕ хъахъхъӕнынады министрады. Сывӕллӕттӕ тынг райгонд уыдысты", — дзуры ахуыргӕнӕг.

Николай йӕхӕдӕг дӕр иста хайад РӔЦ уроктӕ уадзыны, уымӕ гӕсгӕ йын ахуыргӕнӕджы куыст райдайын тынг ӕнцон уыд.

"Фӕстӕдӕр мӕ ‘рфӕндыдис скъоламӕ баздӕхын, цӕмӕй ногӕй райдайон амонын. Организацийы цалдӕр азы куысты фӕстӕ бацыдтӕн кусынмӕ организаторӕй ӕртыккӕгӕм скъоламӕ, уагътон ма физкультурӕйы уроктӕ дӕр", — дзуры Николай.

Физкультурӕйы уроктыл Николай хъавы сӕвӕллӕттӕн ахӕм фӕлтӕрӕнтӕ равзврын, кӕцытӕ сын уыдзысты цымыдисаг. Йӕ ныхӕстӕм гӕсгӕ, лӕппуты зӕрдӕмӕ тынгдӕр цӕуынц физикон фӕлтӕрӕнты сӕйрагдӕр хуызтӕ, куыд лидзын, хи уӕлӕмӕ исын турникыл, чызджытӕ уарзынц гимнастикӕ. Николай дзуры, ахуыргӕнинӕгты четвертон бӕрӕггӕнӕнтӕ кӕй вӕййынц иттӕг хорз.

"Нӕ ахуыргӕнинӕгтӕ исынц хайад алыгъуызон секциты — рог атлетикӕ, гимнастикӕ, ленк кӕнын. Физкультурӕйы уроктыл мах уӕлдай хъусдард здахӕм спортивон хъӕзтытӕм нӕ, фӕлӕ физикон фӕлтӕрӕнтӕм. Уый та ахъаз у спортивон формӕйы уӕвынӕн ӕнӕ секцион ахуыртӕй дӕр", — бамбарын кодта физикон культурӕйы амонӕг.

Николайы ныхӕстӕм гӕсгӕ, ныр 14 азы цы скъолайы фӕллой кӕны, уый алыхатдӕр нымад кӕй цыд "спортивоныл". Ӕртыккӕгӕм скъолайы ахуыргӕнинӕгтӕ активон хайад исынц республикӕйы спортивон царды ӕмӕ бацахсынц призон бынӕттӕ спорты алы хуызты.

Театры актер

Цоциты Николайӕн театрмӕ ис уӕлдай хъарм ахаст, уымӕн ӕмӕ схъомыл актерон бынонты ӕхсӕн. Николайы фыд — зындгонд актер Къӕдзӕхмӕт — арӕх кодта йӕ лӕппуйы спектакльты репетицитӕм ӕмӕ равдысттӕм. Уый иттӕг хорз зыдта театры алы къуым дӕр, бахизӕнтӕ-рахизӕнтӕ, уымӕн ӕмӕ йӕ сабибонтӕ иууылдӕр ацыдысты фæскулисты сфӕлдыстадон адӕмы ӕхсӕн.

"Чысылӕй фӕстӕмӕ мӕ фӕндыд мӕ ныййарджыты професси адарддӕр кӕнын. Хӕдзары иу куы нӕ уыдысты, уӕд иу мӕхӕдӕг арӕзтон сценӕтӕ, кӕцыты режиссер дӕр ӕмӕ актер дӕр мӕхӕдӕг уыдтӕн. Мӕ фыд иу мӕ театрмӕ куы кодта йемӕ, уыцы рӕстӕджытӕ мын уыдысты иууыл амондджындӕртӕ", — дзуры Николай.

Сценӕмӕ уарзондзинад ахъазыд Николайы царды ахсдзиаг роль — 2001 азы ХИППИ-ы актерон дӕсниады факуьтет каст фӕуыны фӕстӕ дипломджын актер бацыд куыстмӕ паддзахадон драмтеатрмӕ.

15 азы мидӕг ын бирӕ фӕндӕгтыл бантыст рацӕуын — спектакльтӕ, гастролтӕ, фестивальтӕ. Йӕ карьерӕйы иууыл ирддӕр ӕмӕ ӕнтыстджындӕр, Николайы ныхӕстӕм гӕсгӕ, уыд режиссер Дзуццаты Тамерланы спектакль "Дзӕгъӕл зӕдтӕ" балтигӕрон пьесӕмӕ гӕсгӕ. Драмон театры труппӕ ӕнтыстджынӕй равдыста спектакль цалдӕр фестивалы.

Ныртӕккӕ Цоцийы фырт исы хайад режиссер Айларты Асӕхмӕты пьесӕмӕ гӕсгӕ Хъӕцмӕзты Фатимӕйы ӕвӕрд спектакль "Ӕмкъай контрактмӕ гӕсгӕ". Николай не ′сразы спектаклы хӕйттыл ӕрдзурын, зӕгъгӕ, комедийы премьерӕ уыдзӕн октябры ӕмӕ сценӕмӕкӕсджытӕн уыдзӕн фадат ӕрбацӕуын ӕмӕ спектаклмӕ бакӕсын.

Дзигойты Маринӕ - Sputnik Хуссар Ирыстон
Дзигойты Маринӕйы дыууӕ царды

"Ныртӕккӕ мах уадзӕм репетицитӕ ӕрвылбон — райсом ӕмӕ изӕр. Ныфс нӕ ис снысангонд рӕстӕгмӕ театруарзджыты размӕ нӕ куыст рахӕссын", — дзуры Цоцийы фырт.

Куыд цыфӕнды актерӕн, афтӕ Николайӕн дӕр ис бӕллицтӕ.

"Фӕнды мӕ искӕцы ирон хъайтары роль сӕххӕст кӕнын, ирон литературӕйы персонажтӕй искӕцыйы фӕлгонц сценӕйыл ахъазын — Коцты Бега, Хазби, Чермен. Фӕлӕ нӕ зонын, куыд мын бантысдзӕн, ӕз фӕлмӕндӕр адӕймаг дӕн. Фӕнды мӕ ахъазын динамонӕджы, кӕцы скъуыддзаг кӕны бирӕ адӕмы хъуысмӕт — амоны сын раст фӕндаг царды. Нырма нӕм ахӕмӕй ницы уыд", — дзуры Николай.

Артист ма банысан кодта, ӕнӕрхъӕцӕй кӕй ӕнхъӕлмӕ кӕсы ног театры агъуысты сырӕзтмӕ ӕмӕ нӕ дызӕрдыг кӕны, ӕввахс фидӕны ног сценӕйыл кӕй бантысдзӕн нӕргӕ спектакльтӕ сӕвӕрын.

Цы у ахсджиагдӕр?

Ахуыргӕнӕджы куыст ын, Николайы ныхӕстӕм гӕсгӕ, нысаниуӕгджын у, уымӕн ӕмӕ исы хайад сывӕллӕтты размӕцыды. Фӕлӕ театр ӕмӕ сценӕ Цоцийы фырт нымайы йӕ царды фыццаградоныл.

Ног хабӕртты лентӕ
0