Епхиты Тæтæри. Уацмыстæ

...Цæстæй уынаг уыд, хъусæй хъусаг уыд, æвзагæй цыргъ уыд Тæтæри. Адæймаджы зæрдæйы уаг чысыл фæзилæнæй, чысыл фезмæлдæй дæр дæсны уыд æххæстæй равдисынмæ. Йæ уацмысты архайджыты сурæттæ, сæ дзыхы ныхас, цæмæй сæ иу иннæйы хуызæн ма уа, ууыл зæрдиагæй куыста Тæтæри. Фыссæг хорз æмбæрста, аивадон литературæйæн йæ ахсджиагдæр хай æвзаг кæй у, уый. Æмæ уымæн афтæ рæсугъд æмæ хъæздыг уыд йе ’взаг.

Йæ тæккæ лæджы хъаруйы уыд, йæ курдиат тæмæнтæ калдта, йæ фыстытæ йын бирæ чи уарзта, уыдон æнхъæлмæ кастысты йæ ног уацмыстæм, афтæмæй æнæхатыр низ цæрынхъуагæй ахаста Епхиты Тæтæрийы. Фæлæ кæд йæхæдæг не ’хсæн нал ис, уæддæр йæ хъæлдзæг ныхас, йæ растзæрдæйæ худт рæсугъдæй, сыгъдæгæй баззадысты йæ хъæздыг уацмысты.

Цæгæраты М.

Епхиты Тæтæрийы радзырдтæм хъусут Sputnik Хуссар Ирыстоны.